Hum ke beech me 'Main'

Mere samay ki naa - pabandi aur tumhari pabandi ko ek dusre se milne ki behad zarurat hai....

Mera nazar andaaz karna aur tumhara ger zaruri dhyaan....in dono ko bhi milne ki behad zarurat hai....

Kabhi tumhare aansu mere hasi se mile.....

Kabhi mere tumhari shirt se.... :'(

Meri beparwahi tumhari parwaah se milna chahti hai....

Meri nadaani tumhari samjhdaari se milna chahti hai....

Hum fir kahi laut ke pichhe chalna chahte hai....

Hum firse wo ek baar jee lena chahte hai....

Hum apni wajaahat se ek dusre se pare...

Hum apni duniya main nakaamiyon ke bich fase huye.....

Aankhon ko kitaabo aur chamak me gadhaaye huye....

Is udhedbun me hain ki shayad hum ek dusre ko bhul jaye..

Bhulna na sahi par aage badhna to waajeeb hai....

Par ye mujhse ho nahi paayega....

Ye frse ho nahi payega.....

In udti hawaao me bhi meri saari koshishein na-kaafi hai....

main har roz koshish me hu aage badh jaane ki....

Main har roz ek kadam pichhe chal padti hu...

Mujhe koi to rasta de do...

Jisse ye asaan ho jaaye....

Is rishte ka ek ek tukda gir ke jaise mere hi pairon me chubh raha...

Kahi chalte chalte yun door na chali jaau....

Main har roz duniya main khud se hi bhaag rahi hu....

Par khudse kaise door ho jaau?